2. Unaijua sanamu ya Alebrije?
Asili ya Alebrije inatoka kwa msanii wa Mexico anayeitwa Pedro Linares López (1906–1992).
Historia ya Alebrije:
Mnamo mwaka 1936, Pedro alipata ugonjwa mkali uliomfanya apoteze fahamu kwa muda.
Katika ndoto aliyoona wakati akiwa katika hali hiyo, alijikuta akiwa katika ulimwengu wa ajabu, uliojaa viumbe wa rangi nyingi – baadhi wakiwa na mabawa ya ndege, miguu ya simba, vichwa vya joka, n.k., wakiimba neno moja tu:
“¡Alebrijes! ¡Alebrijes!”
Alipoamka, alianza kutengeneza viumbe hao kwa karatasi (papier-mâché) na kuwapa majina yale yale aliyoyasikia – “Alebrijes.”
Hivyo ndipo sanaa hii ikaanzia Mexico City na baadaye kuenea Oaxaca, ambapo wasanii kama Jacobo na María Ángeles waliiboresha kwa kutumia mbao za copal na mitindo ya kitamaduni ya Zapotec.
🕊️ 4. Alebrije katika Sanamu ya Umoja wa Mataifa
Sanamu ya “The Guardian for International Peace and Security” tafsiri yake “Mlinzi wa amani na usalama wa kimataifa”, iliyoundwa na Jacobo na María Ángeles, ni aina ya alebrije.
Walimuunda huyu Alebrije kwa mfumo wa sanamu na kuipa Umoja wa Mataifa kama zawadi, na Umoja wa Mataifa (UN), ikasimamisha sanamu hiyo ya kutisha mahali pa nje pa jengo hilo, na ikawa ni nembo ya muda wa UN jambo jipya na la kushangaza wengi.
Sanamu hiyo ilidumu kama nembo ya UN kwa siku 11 tu, baada ya hapo iliondolewa, si kwasababu ya shinikizo la watu bali kwa kusudi maalumu, kwani UN walikuwa wamekusudia sanamu hiyo ikae kwa muda huo wa siku hizo 11 tu na si zaidi, na itakuwa imeshafikisha ujumbe kwa Dunia nzima.
Ilisamamishwa tarehe 9/12/2021 na kuondolewa 20/12/2021
Walipoulizwa ni kwa namna gani Chui/simba huyo mwenye Mabawa anawakilisha Amani na Ulinzi wa dunia, majibu yao yalirudi katika historia hiyo ya Alebrije! na kusema kuwa Mnyama Chui (Jaguar/simba) anawakilisha Ulinzi na Ujasiri na Tai anawakilisha Maono na Hekima.
Hivyo dunia inahitaji ulinzi, amani na hekima na maono..
Na UN ilikana kuhusisha sanamu hiyo na jambo la kiroho au Unabii wa Biblia, badala yake ilidai kuwa ni jambo la kiutamaduni tu..
Lakini Biblia inamtaja huyo mnyama kama unabii wa siku za mwisho na ujio wa mpinga kristo.
Danieli 7:3 “Ndipo wanyama wakubwa wanne wakatoka baharini, wote wa namna mbalimbali.
4 Wa kwanza alikuwa kama simba, naye alikuwa na mabawa ya tai; nikatazama, hata mabawa yake
yakafutuka manyoya, akainuliwa katika nchi, akasimamishwa juu kwa miguu miwili kama mwanadamu;
naye akapewa moyo wa kibinadamu“.
Unabii wa Biblia unatimia na Umoja wa mataifa utahusika sana katika kumpa nguvu yule Mnyama (Mpinga Kristo), ule mwisho umekaribia sana, tuwe macho!
