Jina Halloween linatokana na neno “All Hallows’ Eve” (All Saints’ Day).
Sherehe hii ya wafu inayoadhimishwa kila  tarehe 31 ya mwezi wa kumi (31/10 )

Inaaminika kuwa kila usiku wa tarehe 31 mwezi wa 10, “mpaka kati ya ulimwengu wa walio hai na waliokufa unafunguliwa”, na kwamba roho za wafu hurudi duniani!

1. Wakati wa Halloween , Watu huwasha mishumaa ndani au nje ya nyumba ili kuongoza roho za wapendwa wao waliokufa zipate njia ya kurudi nyumbani.

• Watu waliweka vyakula, kama mkate, au maziwa nje ya nyumba kama sadaka kwa roho zinazopita. Lakini sasa huo utaratibu umebadilika, Leo hii, desturi hiyo imebadilika kuwa “trick or treat” — ambapo watoto hukusanya peremende kwa niaba ya roho wa kale waliokuwa wakipata sadaka.

• Siku hii Wengine kufanya michezo kama “Ouija board” (kubashiri) au vikao vya “spirit communication”, wakiamini wanaweza kuwasiliana na roho.
• Siku hii Watu huenda makaburini, kuweka maua, au kusali kwa ajili ya wapendwa waliotangulia.

• Familia hujenga madhabahu (ofrendas) zenye picha za marehemu, mishumaa, na chakula walichopenda marehemu, na watu huvaa mavazi ya mifupa, wakicheza muziki, na kusherehekea maisha ya wale waliokufa.

• Watu huvaa kama wafu, au viumbe vya kiroho — si kwa utani tu, bali kwa lengo la kujilinda:
  kwani wanaamini kuwa wakivaa mavazi kama ya  mizimu, roho za mizimu haziwezi kuwatambua na kuwadhuru.

MATUKIO YA AJABU YALIYOWAHI  KUTOKEA USIKU WA HALLOWEEN.

1. Sauti ya roho iliyosikika kwenye redio (mwaka 1973 – Illinois, Marekani)

Wakati wa matangazo ya redio usiku wa Halloween yanaendelea, mtangazaji aliamua kufanya mchezo wa “ghost call” — akijifanya kuwasiliana na mizimu kwa mzaha. Dakika chache baadaye, sauti isiyojulikana ilisikika ikisema kwa sauti ya chini:

“I am here..” maana yake “niko hapa..”

Redio iliharibika mara moja, na baadaye wahandisi walithibitisha kuwa haikuwa sauti kutoka kwa studio au redio nyingine yoyote, bali ilitokea pasipo julikana. Tukio hilo liliripotiwa na gazeti la Chicago Tribune.

2. Picha ya mtoto kaburini (2015 – Queensland, Australia)

Mwanamke mmoja alipiga picha kaburini alipokuwa akitembelea makaburi usiku wa Halloween. Baadaye alipoiangalia, aliona sura ya mtoto mdogo akiwa amesimama karibu na kaburi, akiwa amevaa mavazi ya kale ya miaka 1900.

Hakukuwa na mtu mwingine eneo hilo, na picha ilithibitishwa kuwa haijahaririwa.

3. Ajali ya gari la “mizimu” (2004 – Atlanta, Marekani)

Watu wawili walidai kuona gari jeupe lenye taa zenye kung’aa likipita kwa kasi kwenye barabara ya vumbi usiku wa Halloween. Lilipopita mbele yao, lilitoweka ghafla — bila kelele, bila alama za matairi.

Siku iliyofuata, mamlaka za eneo hilo zilisema ajali halisi ya gari la rangi hiyo hiyo lililoteketea kwa moto ilitokea miaka 20 kabla, tarehe hiyo hiyo.

4.  Saa zilizoganda kwa muda mmoja (2021 – Toronto, Canada)

Wakazi wa jengo moja waliripoti kwamba saa zote (ukuta, simu, na saa za mkononi) zilisimama saa 3:33 usiku wa Halloween, kwa dakika moja kamili, kisha zikaendelea.

Wataalamu wa umeme hawakupata kosa lolote kwenye mfumo wa jengo. Tukio hilo lilienea kwenye mitandao kama “The Halloween Time Freeze”

5. Kilio cha kaburini (2013 – Scotland)

Wakati wa matembezi ya kihistoria ya Halloween huko Edinburgh, kundi la watalii lilirekodi kilio cha mwanamke kikitoka kwenye kaburi lililofungwa kwa karne nyingi.
Rekodi hiyo bado ipo kwenye YouTube kama “Edinburgh Tomb Cry Recording” — wataalamu wameshindwa kueleza chanzo chake.

6. Milago iliyofunguka yenyewe (2022 – Ireland)

Kamera za usalama katika jumba la kihistoria Castle Leslie zilionyesha mlango mkubwa wa mbao ukijifungua taratibu mwenyewe, kisha kufungwa tena.
Ilikuwa ni usiku wa Halloween, na hakuna mtu aliyekuwepo karibu.
Video hiyo ilithibitishwa na wamiliki wa kasri — na sasa ni sehemu ya kivutio cha watalii.

Kwa kifupi:

Kila mwaka, usiku wa Halloween unahusishwa na matukio yasiyoeleweka — kelele zisizo na chanzo, taa zinazowaka pekee yake, picha zisizoelezeka, au matukio ya kipekee kwenye kamera, ajali, watu kusikia sauti za ajabu na watu kupotea..

Sherehe hii inakuwa kwa kasi duniani kote..

Marekani ndio nchi inayoongoza duniani kwa sherehe ya Halloween, zaidi ya asilimia 70 ya Wamarekani hushiriki, na matumizi yake mwaka 2025 yanakadiriwa kufikia dola bilioni 13.1.

Nchi nyingine ni Canada, Ireland, Uingereza, Mexico, Japan, Korea Kusini, Ujerumani, Australia, Brazil na nyingine nyingine nyingi za Ulaya, Asia na Marekani kusini..

Sherehe hizi zimeanza kuingia barani Afrika kwa kasi, nchi kama Nigeria na Kenya zimeanza kuzifikiri sherehe hizo, bado kitambo kidogo zitasambaa Afrika yote.

BIBLIA INASEMA NINI?

Kumbukumbu 18:10 “Asionekane kwako mtu ampitishaye mwanawe au binti yake kati ya moto, wala asionekane mtu atazamaye bao, wala mtu atazamaye nyakati mbaya, wala mwenye kubashiri, wala msihiri,

11 wala mtu alogaye kwa kupiga mafundo, wala mtu apandishaye pepo, wala mchawi, wala mtu awaombaye wafu.

12 Kwa maana mtu atendaye hayo ni chukizo kwa Bwana; kisha ni kwa sababu ya hayo Bwana, Mungu wako, anawafukuza mbele yako”.

Sherehe ya Halloween inahusisha ibada za wafu, uchawi, ubashiri, usihiri, ulozi, na mawasiliano na roho na Biblia imetabiri siku za mwisho watu watasikiliza mafundisho ya mashetani (1Timotheo 4:1)

Tupo siku za mwisho, tuwe macho!